प्रथम खुल्ला टेबुल टेनिस प्रतियोगिताको उपाधि सुदिप बस्नेतलाई

रेडियो राप्ती

सल्यान १५, मंसिर ।

प्रथम खुल्ला टेबुल टेनिस प्रतियोगिताको उपाधि सुदिप बस्नेतले जित्नुभएको छ । शुक्रबार र शनीबार गरेर दुई दिन सम्म सल्यान सदरमुकाम खलंगामा भएको टेबुल टेनिस प्रतियोगिताको उपाधि सुदिप बस्नेत बस्नेतले जित्नु भएको छ । जित सँगै उहाँले नगद १५ हजार, ट्रफी र प्रमाणपत्र प्राप्त गर्नु भएको छ ।

यस्तै द्धितिय हुनु भएका स्माईल बुढाथोकीले दश हजार र प्रमाणपत्र प्राप्त गर्नु भएको छ । यस्तै तृतिय हुन भएका सुरेन्द्र सेजवालले नगद पाँच हजार सहित प्रमाणपत्र प्राप्त गर्नु भएको छ । प्रतियोगिताका बिजयीहरुलाई शारदा नगरपालिका प्रमुख सुरेश अधिकारीले नगद सहित प्रमाणपत्र बितरण गर्नु भएको थियो ।

जिल्ला टेबुल टेनिस संघ सल्यानको आयोजनामा सो प्रतियोगिता सम्पन्न भएको हो । प्रतियोगितामा १३ जना खेलाडीहरुको सहभागिता रहेको जिल्ला टेबुल टेनिस संघ सल्यानका अध्यक्ष सन्तोष शाहले बताउनु भयो । यसैबिच आठौँ राष्ट्रिय खेलकुद प्रतियोगिताका लागी सल्यानबाट खेलाडी समेत छनोट गरिएको छ ।